অঠাত গরি ডর অই গিলা গৈ
শিমুল বড়ুয়া উনন
এদিন্না দেখিলাম তোয়ারে
আগর ডইল্লা নাই
পোশাক আশাক ভেষ-বোশ
বদলি গিয়ে গৈ।
আগেতো আঁরে দেইলে-
আগ বাড়াইনে আই,
কেন আছি, হড়ে আছি
পোছার গইত্তা ঘা ঘেষি বই।
তোঁয়ারে আঁর গম লাগেদে
তুইঁতো জানো ভালা,
কি দোষ গইল্লাম নত জানি
দিলা আঁরে জ্বালা।
মনত আছেনে হইলাদে তুঁই
হনদিন নভুলিবা, আঁর ঢাকে বই?
আজিয়া কেনে পাইল্লা
এন ডর মানুষ অই?
Post a Comment
0 Comments